થાનગઢ જોગ આશ્રમ ખાતે પટેલ સમાજનું ભવ્ય સ્નેહ મિલન કાર્યક્રમ સફળતાપૂર્વક યોજાયો

સુરેન્દ્રનગર : થાનગઢના જોગ આશ્રમ ખાતે પટેલ સમાજ દ્વારા ભવ્ય સ્નેહ મિલન કાર્યક્રમનું આયોજન કરવામાં આવ્યું, જેમાં મોટી સંખ્યામાં સમાજના સભ્યો, આગેવાનો અને મહિલાઓએ ઉત્સાહભેર હાજરી આપી હતી. આ કાર્યક્રમ સમાજના એકતાના ભાવને ઉજાગર કરતો અને ભવિષ્ય માટેના માર્ગદર્શન આપતો બન્યો હતો.

કાર્યક્રમની વિશેષતા તરીકે ધોરણ 2 થી 12 સુધીના હોશિયાર વિદ્યાર્થીઓનું સન્માન કરવામાં આવ્યું, જેનાથી વિદ્યાર્થીઓમાં ઉત્સાહ અને પ્રેરણા પ્રસરી. આ પ્રસંગે સમાજના આગેવાનો દ્વારા ભવિષ્યમાં ઊભી થતી પડકારજનક પરિસ્થિતિઓ અંગે ચર્ચા કરવામાં આવી અને સામૂહિક સહકારથી તેનો સામનો કરવાની દિશામાં વિચારવિમર્શ થયો.

થાનગઢ જોબના મેનેજર શાંતિલાલ પટેલે જણાવ્યું હતું કે તાલુકામાં 40થી વધુ પટેલ સમાજના સિરામિક ઉદ્યોગ કાર્યરત છે. તેમણે એકબીજાને સહકાર આપવાની જરૂરિયાત પર ભાર મૂક્યો અને નક્કી કરવામાં આવ્યું કે મટીરિયલની જરૂરિયાત માટે સમાજના ઉદ્યોગકારો પરસ્પર સહયોગ આપશે.

લઘુ ઉદ્યોગ પ્રમુખ કાળુભાઈ પટેલે નાના ઉદ્યોગકારોને સહાય અને શિક્ષણ ક્ષેત્રે પટેલ સમાજની જવાબદારી અંગે ચર્ચા કરી. તેમણે સ્પષ્ટ કર્યું કે કોઈપણ પટેલ સમાજના દીકરાને ઉચ્ચ અભ્યાસ માટે જરૂરી સહાય સમાજ દ્વારા આપવામાં આવશે.

ઉપપ્રમુખ નાનજીભાઈ પટેલે યુવાનોને વ્યસનમુક્ત જીવન જીવવા માટે પ્રેરણા આપી અને સમાજમાં જાગૃતિ ફેલાવવાનો સંકલ્પ વ્યક્ત કર્યો. 

કાર્યક્રમ દરમિયાન થાનગઢના મામલતદાર એન.આર. પટેલનું પણ હાર્દિક સ્વાગત કરવામાં આવ્યું. આ કાર્યક્રમમાં મહિલાઓની પણ નોંધપાત્ર હાજરી જોવા મળી હતી, જે સમાજના સર્વાંગી વિકાસ માટે મહત્વપૂર્ણ છે.

આ ભવ્ય કાર્યક્રમને સફળ બનાવવા સુરેશભાઈ પટેલ, કાળુભાઈ પટેલ, નાનજીભાઈ પટેલ અને શાંતિલાલભાઈ પટેલે મહત્વની ભૂમિકા ભજવી. અંતે ભોજન પ્રસાદ સાથે કાર્યક્રમનો સમાપન થયો.