સુરેન્દ્રનગર બાર કાઉન્સિલ ઓફ ગુજરાતની ચૂંટણી માટે વકીલોનું મહાસંમેલન યોજાયું

સુરેન્દ્રનગર: આગામી બાર કાઉન્સિલ ઓફ ગુજરાતની ચૂંટણીના પડઘમ વાગી રહ્યા છે, ત્યારે સુરેન્દ્રનગરના ઉમેદવાર પ્રશાંતભાઈ સુરેશકુમાર ભટ્ટના સમર્થનમાં વકીલોનું એક ભવ્ય સ્નેહમિલન અને મિટિંગ યોજાઈ ગઈ.

તાજેતરમાં ૨૭ જાન્યુઆરી, ૨૦૨૬ના રોજ સુરેન્દ્રનગરની લોહાણા મહાજન વાડી ખાતે આયોજિત આ બેઠકમાં બાર કાઉન્સિલ ઓફ ગુજરાતના ચેરમેન જે.જે. પટેલ પ્રમુખ સ્થાને ઉપસ્થિત રહ્યા હતા. તેમણે પોતાના સંબોધનમાં પ્રશાંતભાઈ ભટ્ટની કાર્યનિષ્ઠાને બિરદાવી હતી અને ઉપસ્થિત તમામ વકીલોને અપીલ કરી હતી કે, પ્રશાંત સુરેશકુમાર ભટ્ટને પ્રથમ ક્રમાંક (નંબર ૧) આપી જંગી બહુમતીથી વિજેતા બનાવી બાર કાઉન્સિલમાં મોકલવા જણાવવામાં આવ્યું હતું‌.

આ સમગ્ર કાર્યક્રમનું સફળ આયોજન સુરેન્દ્રનગર બાર એસોસિએશનના પ્રમુખ જી.ડી. ઝાલા દ્વારા કરવામાં આવ્યું હતું. કાર્યક્રમનું સુચારુ સંચાલન નોટરી એસોસિએશનના પ્રમુખ રવિરાજસિંહ ચુડાસમા તથા સુરેન્દ્રનગર બાર એસોસિએશનના સેક્રેટરી વિપુલભાઈ જાનીએ સંભાળ્યું હતું.

આ બેઠકમાં સુરેન્દ્રનગર જિલ્લાના કાયદાકીય ક્ષેત્રના દિગ્ગજોએ હાજરી આપી પ્રશાંતભાઈ ભટ્ટને સમર્થન જાહેર કર્યું હતું, જેમાં મુખ્યત્વે એમ.પી. સભાણી ડીજીપી, સુરેન્દ્રનગર, પી.ડી. પરમાર પ્રમુખ, વઢવાણ બાર એસોસિએશન, દીપાલીબેન શાહ: ઉપપ્રમુખ, મહિલા બાર એસોસિએશન, ભારતીબેન પતાણી પ્રતિનિધિ, મહિલા વકીલ મંડળનો સમાવેશ થાય છે.

આ મિટિંગમાં સુરેન્દ્રનગરના વકીલો બહોળી સંખ્યામાં ઉમટી પડ્યા હતા. ઉપસ્થિત તમામ સભ્યોએ એકસૂરે પ્રશાંતભાઈ સુરેશકુમાર ભટ્ટને જંગી બહુમતીથી વિજયી બનાવવાની ખાતરી આપી હતી. 

Comments

Post a Comment

Popular posts from this blog

કલાઉત્સવમાં કિરચંદભાઈ કોઠારી મિડલ સ્કૂલના વિદ્યાર્થીઓનું શાનદાર પ્રદર્શન

Image
સુરેન્દ્રનગર: પે સેન્ટર શાળા નં. ૧૨ ખાતે આયોજિત કલસ્ટર કક્ષાના કલા ઉત્સવમાં કિરચંદભાઈ કોઠારી મિડલ સ્કૂલના વિદ્યાર્થીઓએ વિવિધ સ્પર્ધાઓમાં ઉત્કૃષ્ટ પ્રદર્શન કરીને શાળાનું નામ રોશન કર્યું છે. શાળાના તમામ પ્રતિભાગી વિદ્યાર્થીઓએ પોતાની પ્રતિભા અને મહેનતના આધારે વિજય હાંસલ કરી છે, જે શાળાની શૈક્ષણિક અને સાંસ્કૃતિક પ્રતિબદ્ધતાનું પ્રતિબિંબ છે. સંગીત ગાયન સ્પર્ધામાં સિંધવ કિંજલ ગીગાભાઈએ પોતાના મીઠા અને ભાવસભર અવાજથી શ્રોતાઓને મંત્રમુગ્ધ કર્યા હતા અને પ્રથમ સ્થાન મેળવ્યું હતું. બાળકવિ સંમેલનમાં ખાંભલા રૂચા વાઘાભાઈએ પોતાની અનોખી કાવ્યરચના અને આત્મવિશ્વાસભર્યું વાચન કરીને પ્રથમ ક્રમ હાંસલ કર્યો હતો. સંગીત વાદન સ્પર્ધામાં રાઠોડ રાજવીર ચિરાગભાઈએ પોતાની વાદ્યકલા દ્વારા દર્શકોને રોમાંચિત કર્યા હતા અને દ્વિતીય સ્થાન મેળવ્યું હતું. ચિત્રકલા સ્પર્ધામાં શેખ આફ્રીન જાકીરભાઈએ પોતાની કલ્પનાશક્તિને કેનવાસ પર ઉતારીને તૃતીય સ્થાન મેળવ્યું હતું. આ તમામ વિજેતાઓને શાળાના શિક્ષકમંડળ અને વાલીઓ તરફથી હાર્દિક અભિનંદન પાઠવવામાં આવ્યા છે. શાળાના મુખ્યાધ્યાપકશ્રીએ વિદ્યાર્થીઓના આ સિદ્ધિ માટે તેમને શુભેચ્છાઓ પાઠવી હતી અન...
Read more

સુરેન્દ્રનગરમાં શ્રીમદ્ રાજચંદ્રજીની જન્મ જયંતી નિમિત્તે ભવ્ય સર્વરોગ નિદાન કેમ્પ: ૫૫૦થી વધુ દર્દીઓને લાભ

Image
સુરેન્દ્રનગર Surendranagar : સુરેન્દ્રનગરમાં આત્મજ્ઞાની સંત શ્રીમદ્ રાજચંદ્રજીની પાવન જન્મ જયંતી નિમિત્તે એક અનોખા અને સેવા-સપ્રેરિત કાર્યક્રમનું આયોજન કરવામાં આવ્યું — સર્વરોગ નિદાન કેમ્પ, જેમાં ૫૫૦થી વધુ દર્દીઓએ આરોગ્યલાભ મેળવ્યો.  આ સેવાયજ્ઞનું આયોજન શ્રીમદ્ રાજચંદ્ર મિશન ધરમપુરના સુરેન્દ્રનગર સ્પિરિચ્યુઅલ સેંટર દ્વારા ગુરુદેવ રાકેશજીના માર્ગદર્શન હેઠળ કરવામાં આવ્યું હતું. સી.યુ.શાહ કોલેજ એન્ડ હોસ્પિટલના સહયોગથી આયોજિત આ કેમ્પમાં સુપર સ્પેશિયાલિસ્ટ અને સ્પેશિયાલિસ્ટ ડોક્ટરો દ્વારા નિઃશુલ્ક આરોગ્ય તપાસ કરવામાં આવી, જેમાં રેડિયોલોજી અને પેથોલોજી ટેસ્ટ પર વિશેષ ડિસ્કાઉન્ટ તેમજ ફૂલ બોડી ચેકઅપની સુવિધા પણ ઉપલબ્ધ હતી. આ કેમ્પમાં ૪૦થી વધુ ડોક્ટરો, ૧૨૦થી વધુ હોસ્પિટલ સ્ટાફ અને ૩૦થી વધુ સેવકોની નિષ્ઠાપૂર્વકની સેવા દ્વારા સમગ્ર કાર્યક્રમ સફળતાપૂર્વક સંપન્ન થયો.  આ પ્રકારના આરોગ્ય કેમ્પો સમાજમાં આરોગ્ય જાગૃતિ ફેલાવવાના સાથે સાથે માનવસેવાની ભાવનાને પણ પ્રગટ કરે છે. શ્રીમદ્ રાજચંદ્રજીના જીવનમૂલ્યોને અનુરૂપ આ સેવાયજ્ઞે અનેક દર્દીઓને આરોગ્યની નવી આશા આપી છે — જે ખરેખર પ્રશંસનીય છે.
Read more

શાહ હેપીનેસ અર્જન્ટ કેર સેન્ટરનું ઉદ્ઘાટન: ગ્રામ્ય વિસ્તારોમાં આરોગ્યસેવાની નવી આશા

Image
સુરેન્દ્રનગર : તા. ૪ જાન્યુઆરી, ૨૦૨૬ના રોજ અમદાવાદ-ધ્રાગંધ્રા હાઇવે પર વસાડવા ચોકડી પાસે સ્થિત એસ.એસ. સંઘવી વિદ્યાલયમાં શ્રીમદ્ રાજચંદ્ર સર્વમંગલ હોસ્પિટલ સંચાલિત શાહ હેપીનેસ અર્જન્ટ કેર સેન્ટરનું ઉદ્ઘાટન કરવામાં આવ્યું. આ આરોગ્ય કેન્દ્ર આજુબાજુના ૨૫ ગામડાના આશરે ૫૦,૦૦૦થી વધુ લોકોને તાત્કાલિક અને સામાન્ય આરોગ્યસેવા પૂરી પાડશે. અમદાવાદ-ધાગંધ્રા હાઇવે પર વસાડવા ચોકડી પાસે એસ.એસ. સંઘવી વિદ્યાલયમાં સુરેન્દ્રનગરની શ્રીમદ્ રાજચંદ્ર સર્વમંગલ હોસ્પિટલ સંચાલિત શાહ હેપીનેસ અર્જન્ટ કેર સેન્ટરનું ઉદ્દઘાટન કરાયું હતું. આ મંગલ પ્રસંગે પૂજ્ય ગુરુદેવશ્રી રાકેશજી સંસ્થાપિત શ્રીમદ્ રાજચંદ્ર મિશન ધરમપુરના વાઇસ પ્રેસિડેન્ટ અને સિનિયર સંન્યાસી આત્માર્પિત નેમીજી અને સર્વમંગલ ફેમિલી ટ્રસ્ટ એન્ડ શાહ હેપીનેસ ફાઉન્ડેશનના ચીફ ગિવિંગ ઓફિસર્સ મનુભાઈ અને રીકાબેન શાહના શુભ હસ્તે આ સેન્ટરનું દીપ પ્રાગટ્ય કરાયું હતું. સેન્ટરમાં સોમવારથી શનિવાર સવારે ૯:૦૦ થી સાંજે ૬:૦૦ સુધી પ્રશિક્ષિત ડૉક્ટરો, નર્સો અને સહાયક સ્ટાફ હાજર રહેશે. અહીં લેબોરેટરી ટેસ્ટ, એક્સ-રે, ઇસિજિ, નેબ્યુલાઇઝર, દવાઓ અને એમ્બ્યુલન્સ જેવી સુવિધાઓ ઉપલબ્ધ ર...
Read more