સુરેન્દ્રનગરનું ગૌરવ: વાઇબ્રન્ટ સમિટમાં પીએમ મોદી સમક્ષ 'ગોવાળીયો રાસ મંડળ' સંસ્કૃતિની ઝલક પિરસશે

સુરેન્દ્રનગર : ગુજરાતની ભાતીગળ સંસ્કૃતિ અને લોકકલાને વિશ્વ ફલક પર પહોંચાડવા માટે રાજકોટ ખાતે આયોજિત વાઇબ્રન્ટ સમિટ એક મહત્વનું માધ્યમ બની રહ્યું છે. આ ગૌરવશાળી અવસરે ઝાલાવાડની ધરતીનું ઘરેણું ગણાતું સુરેન્દ્રનગરનું પ્રખ્યાત 'ગોવાળીયો રાસ મંડળ' પોતાની અદભૂત કલાનું પ્રદર્શન કરશે.

સૌથી ગૌરવની વાત એ છે કે, આ રાસ મંડળ ભારતના લોકપ્રિય વડાપ્રધાન નરેન્દ્ર મોદીની પ્રત્યક્ષ ઉપસ્થિતિમાં પોતાની પ્રસ્તુતિ આપશે. વડાપ્રધાનની સામે ઝાલાવાડની ખમીરવંતી સંસ્કૃતિ અને ગોવાળીયા રાસ રજૂ કરવા માટે કલાકારોમાં ભારે ઉત્સાહ જોવા મળી રહ્યો છે.

ઝાલાવાડની કલાનો વૈશ્વિક આગવી કલાથી સુરેન્દ્રનગર જિલ્લો તેની પૌરાણિક પરંપરાઓ અને લોકનૃત્યો માટે જાણીતો છે. 'ગોવાળીયો રાસ મંડળ' તેની આગવી શૈલી, વેશભૂષા અને પ્રાચીન પરંપરાગત રાસ માટે જાણીતું છે. વાઇબ્રન્ટ સમિટ જેવા આંતરરાષ્ટ્રીય પ્લેટફોર્મ પર આ મંડળની પસંદગી થતા સમગ્ર સુરેન્દ્રનગર જિલ્લામાં હરખની હેલી જોવા મળી રહી છે.