અસ્મિતા લીગનું આયોજન કરી સુરેન્‍દ્રનગર જિલ્લામાં આંતરરાષ્ટ્રીય મહિલા દિવસ ઉત્સાહપૂર્વક ઉજવાયો

સુરેન્દ્રનગર : આંતરરાષ્ટ્રીય મહિલા દિવસના અવસરે સુરેન્‍દ્રનગર જિલ્લામાં ASMITA લીગ (Achieving Sports Milestones by Inspiring Women Through Action) નું આયોજન ભારે ઉત્સાહ અને ઉમંગ સાથે કરવામાં આવ્યું, જેમાં વિવિધ વય જૂથની બાળાઓ અને મહિલાઓએ સક્રિય રીતે ભાગ લીધો.

આ કાર્યક્રમ ભારત સરકારના યુવા કાર્યક્રમ અને રમતગમત મંત્રાલયના માર્ગદર્શન હેઠળ, Sports Authority of India અને MY Bharatના સંકલનથી જિલ્લા પ્રશાસન અને જિલ્લા રમતગમત કચેરીના સહયોગથી આયોજિત કરવામાં આવ્યો હતો.

કાર્યક્રમનો મુખ્ય ઉદ્દેશ રમતગમત દ્વારા મહિલાઓની ભાગીદારીને પ્રોત્સાહન આપવાનો તથા તેમાં ફિટનેસ, આત્મવિશ્વાસ અને સશક્તિકરણની ભાવનાને વિકસાવવા કરવાનો હતો। સ્પર્ધકો દ્વારા 100 મીટર, 200 મીટર અને 400 મીટર દોડ સહિત વિવિધ એથ્લેટિક્સ સ્પર્ધાઓ તેમજ મનોરંજક રમતગમત પ્રવૃત્તિઓમાં ઉત્સાહપૂર્વક ભાગ લેવામાં આવ્યો। ઉપરાંત મહિલાઓ અને બાળાઓ માટે ટગ ઓફ વોર (રસ્સાકસી) સ્પર્ધાનું પણ આયોજન કરવામાં આવ્યું હતું, જેમાં સ્પર્ધકોએ ઉત્સાહપૂર્વક ભાગ લઈ રમતભાવનાનું ઉત્તમ પ્રદર્શન કર્યું હતું। સાથે સાથે વિવિધ મનોરંજક રમતગમત પ્રવૃત્તિઓનું પણ આયોજન કરવામાં આવ્યું હતું.

સ્પર્ધાઓમાં શાળાઓ, કોલેજો તથા સ્થાનિક સમુદાયમાંથી મોટી સંખ્યામાં સ્પર્ધકોએ ભાગ લીધો હતો। કાર્યક્રમને સફળ બનાવવા માટે શિક્ષણ વિભાગ, મહિલા અને બાળ વિકાસ વિભાગ, જિલ્લા રમતગમત કચેરી, ખેલો ઈન્ડિયા કોચ તેમજ અન્ય યુવા સ્વયંસેવકોનો મહત્વપૂર્ણ સહયોગ રહ્યો હતો.

કાર્યક્રમ દરમિયાન મહિલાઓના સશક્તિકરણ તથા સ્વસ્થ જીવનશૈલીને પ્રોત્સાહન આપવા માટે રમતગમતના મહત્વ પર પ્રકાશ પાડવામાં આવ્યો। આ પહેલ દ્વારા બાળાઓ અને મહિલાઓને રમતગમત અને શારીરિક પ્રવૃત્તિઓમાં સક્રિય ભાગ લેવા માટે પ્રેરણા મળી.

કાર્યક્રમમાં ઉપસ્થિત મહેમાનો તરીકે રઘુભાઈ પટેલ (નગરપાલિકા પ્રમુખ), જયશ્રીબા રાઠોડ (મહિલા મોરચા પ્રમુખ) અને ડૉ. મૈત્રીબેન અજમેરા (સિવિલ હોસ્પિટલ) દ્વારા વિવિધ સ્પર્ધાઓના વિજેતાઓને પુરસ્કાર આપવામાં આવ્યા.

કાર્યક્રમના અંતે મિશા, જિલ્લા યુવા અધિકારી, પાર્થભાઈ ચૌહાણ, ડીએસડીઓ તથા અરુણ સુરેશભાઈ, ભૂતપૂર્વ એથ્લેટિક ચેમ્પિયન દ્વારા તમામ સ્પર્ધકો, સ્વયંસેવકો અને સહયોગી વિભાગોને કાર્યક્રમને સફળ બનાવવા માટે તેમના અમૂલ્ય સહયોગ બદલ આભાર વ્યક્ત કરવામાં આવ્યો.