GJ13NEWS

સુરેન્દ્રનગર: આજના સમયમાં જ્યારે લોકો પોતાની વસ્તુ ખોવાઈ જાય ત્યારે તે પાછી મળવાની આશા છોડી દેતા હોય છે, ત્યારે સુરેન્દ્રનગર પોલીસ વિભાગે પોતાની સતર્કતા અને આધુનિક ટેકનોલોજીના માધ્યમથી વિશ્વાસનું નવું ઉદાહરણ પૂરું પાડ્યું છે. જિલ્લા પોલીસ અધિક્ષક પ્રેમસુખ ડેલુ અને નાયબ પોલીસ અધિક્ષક પાર્થ પરમારના માર્ગદર્શન હેઠળ કાર્યરત "તેરા તુજકો અર્પણ" અભિયાન અંતર્ગત વધુ એક નાગરિકની કિંમતી ચીજવસ્તુ સુરક્ષિત પરત કરવામાં આવી છે. લટુડા ગામના રહેવાસી રાહુલભાઈ ભરતભાઈ પનારા ગત ૨૬ ડિસેમ્બરના રોજ પોતાના ઘરેથી વઢવાણ જી.આઈ.ડી.સી. ખાતે નોકરીએ જઈ રહ્યા હતા. આ મુસાફરી દરમિયાન ભક્તિનંદન સર્કલ પાસે તેમની અંદાજે ₹૨૫,૦૦૦/- ની કિંમતની ચાંદીની લક્કી અચાનક હાથમાંથી પડી ગઈ હતી. પોતાની મહેનતની કમાણીમાંથી બનાવેલી આ લક્કી ખોવાઈ જતાં રાહુલભાઈ ચિંતામાં મુકાયા હતા. રાહુલભાઈએ આ અંગે સુરેન્દ્રનગર પોલીસની "નેત્રમ" (CCTV કંટ્રોલ રૂમ) શાખાનો સંપર્ક કર્યો. પોલીસ સબ ઇન્સ્પેક્ટર ડી.એલ. ઝેઝરીયા અને તેમની ટીમે તાત્કાલિક એક્શનમાં આવી શહેરના સીસીટીવી કેમેરાના ફૂટેજ તપાસવાનું શરૂ કર્યું. ટેકનોલોજીના સચોટ ઉપયોગ દ્વારા ટ...

સુરેન્દ્રનગર : થાનગઢના જોગ આશ્રમ ખાતે પટેલ સમાજ દ્વારા ભવ્ય સ્નેહ મિલન કાર્યક્રમનું આયોજન કરવામાં આવ્યું, જેમાં મોટી સંખ્યામાં સમાજના સભ્યો, આગેવાનો અને મહિલાઓએ ઉત્સાહભેર હાજરી આપી હતી. આ કાર્યક્રમ સમાજના એકતાના ભાવને ઉજાગર કરતો અને ભવિષ્ય માટેના માર્ગદર્શન આપતો બન્યો હતો. કાર્યક્રમની વિશેષતા તરીકે ધોરણ 2 થી 12 સુધીના હોશિયાર વિદ્યાર્થીઓનું સન્માન કરવામાં આવ્યું, જેનાથી વિદ્યાર્થીઓમાં ઉત્સાહ અને પ્રેરણા પ્રસરી. આ પ્રસંગે સમાજના આગેવાનો દ્વારા ભવિષ્યમાં ઊભી થતી પડકારજનક પરિસ્થિતિઓ અંગે ચર્ચા કરવામાં આવી અને સામૂહિક સહકારથી તેનો સામનો કરવાની દિશામાં વિચારવિમર્શ થયો. થાનગઢ જોબના મેનેજર શાંતિલાલ  પટેલે જણાવ્યું હતું કે તાલુકામાં 40થી વધુ પટેલ સમાજના સિરામિક ઉદ્યોગ કાર્યરત છે. તેમણે એકબીજાને સહકાર આપવાની જરૂરિયાત પર ભાર મૂક્યો અને નક્કી કરવામાં આવ્યું કે મટીરિયલની જરૂરિયાત માટે સમાજના ઉદ્યોગકારો પરસ્પર સહયોગ આપશે. લઘુ ઉદ્યોગ પ્રમુખ કાળુભાઈ પટેલે નાના ઉદ્યોગકારોને સહાય અને શિક્ષણ ક્ષેત્રે પટેલ સમાજની જવાબદારી અંગે ચર્ચા કરી. તેમણે સ્પષ્ટ કર્યું કે કોઈપણ પટેલ સમાજના દીકરાને ઉચ્ચ અભ્યાસ મા...

સુરેન્દ્રનગર : મુળી તાલુકાના લીમલી ગામની કુમાર વિદ્યાલય ખાતે આજે 'વિજય દિવસ' પખવાડિયાની ઉજવણી ઉત્સાહભેર કરવામાં આવી. રમત-ગમત અને યુવા મંત્રાલય, ભારત સરકારના માય ભારત સુરેન્દ્રનગર વિભાગ તથા લીમલી કુમાર વિદ્યાલયના સંયુક્ત ઉપક્રમે આ કાર્યક્રમનું આયોજન કરવામાં આવ્યું હતું. સમગ્ર કાર્યક્રમ જિલ્લા યુવા અધિકારી શ્રીમતી મીષાબહેન ખટ્ટરના માર્ગદર્શન હેઠળ યોજાયો હતો. વિજય દિવસ નિમિત્તે આયોજિત નિબંધ સ્પર્ધામાં શાળાના ૮૦થી વધુ વિદ્યાર્થીઓએ ઉત્સાહપૂર્વક ભાગ લીધો. સ્પર્ધા દરમિયાન શાળાના શિક્ષક મેહુલભાઈ ત્રિવેદી દ્વારા વિજય દિવસના ઐતિહાસિક મહત્વ અંગે વિસ્તૃત માહિતી આપવામાં આવી, જેના દ્વારા વિદ્યાર્થીઓને દેશના શૌર્ય અને બલિદાન વિશે જાગૃતિ મળી. સ્પર્ધાના અંતે પ્રથમ, દ્વિતીય અને તૃતીય સ્થાન પ્રાપ્ત કરનાર વિદ્યાર્થીઓને શિલ્ડ અને મેડલ આપી સન્માનિત કરવામાં આવ્યા. આ સાથે તમામ સ્પર્ધકોને અલ્પાહાર આપવામાં આવ્યો અને કાર્યક્રમ સંપન્ન થયો હતો. કાર્યક્રમમાં શાળાના પ્રિન્સીપાલ રાજેન્દ્રસિંહ જાડેજા, માય ભારત સુરેન્દ્રનગરના સભ્ય શ્રી જીગરભાઈ દવે, શાળાના તમામ શિક્ષકો તેમજ મોટી સંખ્યામાં વિદ્યાર્થીઓ ઉપસ્થિત રહ્...

સુરેન્દ્રનગર. : આણંદ ખાતે યોજાયેલી ગુજરાત વાડોકાઈ કરાટે ચેમ્પિયનશીપ ૨૦૨૫માં સુરેન્દ્રનગરના કરાટેવીરોના શાનદાર પ્રદર્શનથી સમગ્ર જિલ્લામાં આનંદની લહેર ફેલાઈ છે. આણંદના પ્રમુખ સ્વામી અર્બન કોમ્યુનિટી હોલ ખાતે યોજાયેલી આ રાજ્યકક્ષાની સ્પર્ધામાં રાજ્યભરના ૪૮૦થી વધુ ખેલાડીઓએ ભાગ લીધો હતો, જેમાંથી સુરેન્દ્રનગરના ૬૧ પ્રતિભાશાળી ખેલાડીઓએ પોતાની કુશળતા અને દમખમથી મેદાનમાં ધમાકેદાર પ્રદર્શન કર્યું હતું. આ સ્પર્ધામાં સુરેન્દ્રનગરના ખેલાડીઓએ કુલ ૬૩ મેડલ્સ જીત્યા છે, જેમાં ૧૬ ગોલ્ડ, ૧૮ સિલ્વર અને ૨૯ બ્રોન્ઝ મેડલ્સનો સમાવેશ થાય છે. ખેલાડીઓએ વિવિધ વય અને વજન વર્ગોમાં ‘કુમિતે’ (ફાઈટ) વિભાગમાં ભાગ લઈ પ્રતિસ્પર્ધીઓને કડક ટક્કર આપી હતી. તેમની શિસ્ત, ટેકનિક અને આત્મવિશ્વાસે પ્રેક્ષકોના દિલ જીતી લીધા હતા. આ સફળતા પાછળ કોચ અને ટેકનિકલ નિર્દેશકોનો પણ મહત્વનો ફાળો રહ્યો છે. હાંશી અરવિંદ રાણા, શિહાન ચક્રબહાદુર દમાઈ, સેન્સાઈ મહેશ દમાઈ અને સેન્સાઈ ભાવેશ ગુરખાએ ખેલાડીઓને માર્ગદર્શન આપી ભવિષ્ય માટે પ્રેરણા આપી છે.  આ વિજય માત્ર ખેલાડીઓ માટે જ નહીં, પણ તેમના વાલીઓ અને સમગ્ર સુરેન્દ્રનગર જિલ્લાના માટે ગૌરવની વાત ...

સુરેન્દ્રનગર : જૈન ધર્મના મૂળભૂત સિદ્ધાંત 'અહિંસા પરમો ધર્મ'ને સાર્થક કરવા અને અબોલ જીવોના કલ્યાણ અર્થે આલોકપથ ચેરિટેબલ ટ્રસ્ટ તથા અહિંસા યુવા સંગઠન દ્વારા એક પ્રશંસનીય પહેલ કરવામાં આવી છે. પ. પુ. મહારાજ સાહેબની પાવન નિશ્રામાં આગામી સમયમાં યોજાનાર “અહિંસા ભક્તિ” કાર્યક્રમના સુચારુ આયોજન માટે જૈન સમાજની એક મહત્વપૂર્ણ બેઠક તાજેતરમાં સંપન્ન થઈ હતી. આ બેઠકની વિશેષતા એ હતી કે તેમાં જૈન સમાજના ચારેય ફિરકાના વિવિધ સંઘો અને સંસ્થાઓના પ્રમુખશ્રીઓ તથા સેક્રેટરીશ્રીઓએ એકસાથે ઉપસ્થિત રહીને જીવદયાના કાર્યમાં પોતાની કટિબદ્ધતા દર્શાવી હતી. બેઠક દરમિયાન કાર્યક્રમના આયોજન, ટિકિટ વિતરણ, વ્યવસ્થાપન અને વિવિધ સંઘોની ભાગીદારી અંગે વિસ્તૃત અને સકારાત્મક ચર્ચા કરવામાં આવી હતી. ઉપસ્થિત શ્રાવક-શ્રાવિકાઓને સંબોધતા પ. પુ. મહારાજ સાહેબે જણાવ્યું હતું કે, "અહિંસા અને જીવદયા એ માત્ર ધાર્મિક વિધિ નથી, પરંતુ માનવતાનો પથ છે." તેમણે સંઘશક્તિના મહત્વ પર ભાર મૂકતા સમજાવ્યું હતું કે જ્યારે સમગ્ર સમાજ એક મંચ પર આવે છે, ત્યારે જ જટિલ કાર્યો સરળ બને છે અને જીવદયાના કાર્યોને નવી ગતિ મળે છે. આ બેઠકમાં ઉપસ્થિત...

સુરેન્દ્રનગર: ભારતીય રાષ્ટ્રીય કોંગ્રેસના ૧૪૧માં સ્થાપના દિવસ નિમિત્તે આજે ૨૮ ડિસેમ્બરના રોજ સુરેન્દ્રનગર શહેર અને વઢવાણ તાલુકા કોંગ્રેસ સમિતિ દ્વારા વઢવાણ નગરપાલિકા ખાતે ભવ્ય ધ્વજવંદન કાર્યક્રમનું આયોજન કરવામાં આવ્યું હતું. આ પ્રસંગે ઉપસ્થિત અગ્રણીઓએ કોંગ્રેસના ભવ્ય વારસાને યાદ કરી નવી પેઢીને પક્ષની વિચારધારાથી માહિતગાર કરી હતી. કાર્યક્રમનો મુખ્ય ઉદ્દેશ્ય યુવા પેઢીમાં બંધુત્વ, સમાનતા અને ઉજ્જવળ ભવિષ્યના નિર્માણ માટેના આદર્શો પ્રત્યે જાગૃતિ લાવવાનો અને તેમને પ્રોત્સાહિત કરવાનો રહ્યો હતો. આ ગરિમાપૂર્ણ કાર્યક્રમમાં અનેક વરિષ્ઠ આગેવાનો અને કાર્યકરો હાજર રહ્યા હતા, જેમાં મહેન્દ્રભાઈ પરમાર (શહેર કોંગ્રેસ પ્રમુખ), ઝરણાંબેન જાની (જિલ્લા મહિલા પ્રમુખ), શક્તિસિંહ (વઢવાણ તાલુકા પ્રમુખ), સ્નેહલ સોની (ગુજરાત પ્રદેશ કોંગ્રેસ સોશિયલ મીડિયા મંત્રી), વિશ્વાસભાઈ સોમપુરા (શહેર મહામંત્રી) આ ઉપરાંત ભરતભાઈ બાર, નગરપાલિકા સદસ્ય પેમજીભાઈ, સુલેમાન ખુરેશી, વિનુભાઈ વ્યાસ, રાજનીભાઈ કડ, મહેન્દ્રસિંહ સોલંકી, અબ્દુલભાઇ મકરાણી અને કાર્તિકભાઈ જાની સહિતના અગ્રણીઓ ઉપસ્થિત રહ્યા હતા. કાર્યક્રમમાં મોટી સંખ્યામાં શહેરીજનો...

સુરેન્દ્રનગર: શહેરની ખ્યાતનામ એમ.પી. શાહ કોમર્સ કોલેજ ખાતે તાજેતરમાં વર્ષ ૧૯૭૮-૭૯ની બેચના વિદ્યાર્થીઓનું ભવ્ય રિયુનિયન (સ્નેહ મિલન) યોજાયું હતું. આ બેચનું આ ત્રીજું સ્નેહ મિલન હતું, જેમાં દેશ-વિદેશમાં સ્થાયી થયેલા ભૂતપૂર્વ વિદ્યાર્થીઓ ભાવુક બનીને ઉમટી પડ્યા હતા. આ રિયુનિયનમાં અમદાવાદ, વડોદરા, સુરત અને મુંબઈ જેવા શહેરો ઉપરાંત વિદેશથી પણ ભૂતપૂર્વ વિદ્યાર્થીઓ ખાસ હાજર રહ્યા હતા. પોતાની કારકિર્દીમાં ઉચ્ચ શિખરો સર કરનાર આ વિદ્યાર્થીઓએ જણાવ્યું હતું કે, તેઓ આજે જે કાંઈ પણ છે તેમાં આ કોલેજ અને તેના શિક્ષણનો મોટો ફાળો છે. ઉલ્લેખનીય છે કે આ કોલેજમાં અત્યાર સુધીમાં ૩૫,૦૦૦થી વધુ વિદ્યાર્થીઓએ અભ્યાસ પૂર્ણ કર્યો છે. માત્ર યાદો તાજી કરવા પૂરતું જ નહીં, પણ આ ભૂતપૂર્વ વિદ્યાર્થીઓએ કોલેજની સુવિધાઓ વધારવા માટે પણ મહત્વનું યોગદાન આપ્યું છે. શક્તિસિંહ પરમાર અને અન્ય વિદ્યાર્થીઓના સહયોગથી કોલેજમાં ૪ સ્માર્ટ ક્લાસ તૈયાર કરવામાં આવ્યા છે.કોલેજના હોલમાં એર કુલર, નવી ખુરશીઓ અને અન્ય ભૌતિક સુવિધાઓ પણ આ બેચ દ્વારા પુરી પાડવામાં આવી છે. આ પ્રસંગે ભૂતપૂર્વ વિદ્યાર્થીઓએ સંકલ્પ કર્યો હતો કે સુરેન્દ્રનગરના વર્તમાન વિ...

સુરેન્દ્રનગર : સુરેન્દ્રનગર એજ્યુકેશન સોસાયટી સંચાલિત શ્રી મણિલાલ કોઠારી બાલ મંદિર તથા શ્રી કિરચંદભાઈ કોઠારી મિડલ સ્કૂલ ખાતે 'તુલસી પૂજન' અને 'નાતાલ' (ક્રિસમસ) ના તહેવારોની હર્ષોલ્લાસ સાથે ઉજવણી કરવામાં આવી હતી. શાળા પરિવાર દ્વારા આયોજિત આ કાર્યક્રમમાં પરંપરાગત મૂલ્યો અને આધુનિક ઉત્સવનો સુંદર સમન્વય જોવા મળ્યો હતો. કાર્યક્રમની શરૂઆતમાં શાળાના આચાર્ય ઉર્મિલાબેન બી. અમદાવાદીયા દ્વારા વિધિવત તુલસી પૂજન કરવામાં આવ્યું હતું. તેમણે વિદ્યાર્થીઓને સંબોધતા જણાવ્યું હતું કે, "તુલસી માત્ર એક છોડ નથી, પણ તે ભારતીય સંસ્કૃતિનું પ્રતિક છે." તેમણે તુલસીના ઔષધીય ગુણો અને તેના આધ્યાત્મિક તેમજ વૈજ્ઞાનિક મહત્વ વિશે ઊંડાણપૂર્વક સમજ આપી બાળકોમાં પર્યાવરણ અને સ્વાસ્થ્ય પ્રત્યે જાગૃતિ કેળવી હતી. નાતાલના પર્વ નિમિત્તે શાળાના પ્રાંગણમાં અનેરો ઉત્સાહ જોવા મળ્યો હતો. નાના ભૂલકાઓએ મનમોહક 'ક્રિસમસ ડાન્સ' રજૂ કરી સૌના દિલ જીતી લીધા હતા. તેમજ ધોરણ-૬ ના વિદ્યાર્થીએ પ્રભુ ઈશુ ખ્રિસ્તની વેશભૂષા ધારણ કરી જીવંત અભિનય રજૂ કર્યો હતો. ધોરણ-૬ અને ૭ ના વિદ્યાર્થીઓએ ક્રિસમસના લોકપ્રિય ગીતો પર સ...

ધરમપુર : દક્ષિણ ગુજરાતના ધરમપુર ખાતે આજે ભારતના સૌથી અદ્યતન મહિલા વિકાસ કેન્દ્ર ‘શ્રીમદ્ રાજચંદ્ર સર્વમંગલ સેન્ટર ઓફ એક્સેલન્સ ફોર વુમન’નું ઉદ્ઘાટન કેન્દ્રીય સંરક્ષણ મંત્રી શ્રી રાજનાથ સિંહના હસ્તે અને શ્રીમદ્ રાજચંદ્ર મિશન ધરમપુરના સંસ્થાપક પૂજ્ય ગુરુદેવશ્રી રાકેશજીની ઉપસ્થિતિમાં ઉત્સાહભેર સંપન્ન થયું. આ પ્રસંગે અનેક મહાનુભાવો અને સ્થાનિક મહિલાઓની વિશાળ હાજરી જોવા મળી હતી. આ કેન્દ્ર 11 એકર વિસ્તારમાં ફેલાયેલું છે અને અંદાજે 2 લાખ ચોરસ ફૂટના આધુનિક સંકુલમાં મહિલાઓના સર્વાંગી વિકાસ માટે રચાયું છે. આ મિશન દર વર્ષે 15,000થી વધુ મહિલાઓને રોજગાર, તાલીમ અને સુખાકારીના સાધનો પ્રદાન કરશે. ઉપરાંત, સેટેલાઇટ કેન્દ્રો અને ભાગીદારીના માધ્યમથી સમગ્ર ગ્રામીણ ભારતમાં હજારો મહિલાઓ સુધી પહોંચવાનો મિશનનો ઉદ્દેશ્ય છે. ઉદ્ઘાટન પ્રસંગે સંરક્ષણ મંત્રી રાજનાથ સિંહે જણાવ્યું હતું કે, “સંપૂર્ણપણે ગ્રામીણ મહિલાઓ દ્વારા ચલાવવામાં આવતું આવું અભિયાન મેં ક્યારેય જોયું નથી. આ એક અનોખી અને નવીન પરિકલ્પના છે. આ મિશન આત્મનિર્ભર ભારત અને વિકસિત ભારતના વિઝનને સાકાર કરે છે.” તેમણે પૂજ્ય ગુરુદેવશ્રી રાકેશજીના નિઃસ્વાર્થ સમર...

સુરેન્દ્રનગર : શૈક્ષણિક ક્ષેત્રે અગ્રેસર શ્રી સુરેન્દ્રનગર એજ્યુકેશન સોસાયટી સંચાલિત શ્રી ફુલચંદભાઈ શાહ કુમાર મંદિર શાળામાં નાતાલ પર્વ નિમિત્તે ભવ્ય સાંસ્કૃતિક કાર્યક્રમ યોજાયો હતો. શાળાના આંગણે યોજાયેલા આ કાર્યક્રમમાં બાલવાટિકા થી ધોરણ ૧ થી ૫ ના નાનાં ભૂલકાઓએ ઉત્સાહભેર ભાગ લીધો હતો. કાર્યક્રમની વિશેષતા તરીકે બાળકોએ સાન્તાક્લોઝ, માતા મેરી, જોસેફ, બાલ ઈસુ ખ્રિસ્ત અને મધર ટેરેસા જેવા પાત્રોની વેશભૂષા ધારણ કરી હતી. શાળાનું પટાંગણ જાણે બેથલેહેમમાં પરિવર્તિત થયું હોય તેવો માહોલ સર્જાયો હતો. બાળકોના અભિનયે દર્શકોને મંત્રમુગ્ધ કરી દીધા હતા. શાળાની આચાર્યા રીંકુબેન ક્રિશ્ચિયને નાતાલના ધાર્મિક અને સામાજિક મહત્વ પર પ્રકાશ પાડતા કહ્યું કે, “નાતાલ માત્ર તહેવાર નહીં, પરંતુ પ્રેમ, ક્ષમા અને પરોપકારનો સંદેશ આપતો અવસર છે.” બાળકો દ્વારા નાતાલ વિષયક વક્તવ્ય અને 'ક્રિસમસ ડાન્સ' રજૂઆત પણ કાર્યક્રમના આકર્ષણનું કેન્દ્ર રહી હતી. કાર્યક્રમમાં મોટી સંખ્યામાં વાલીઓ અને સ્કૂલ મેનેજમેન્ટ કમિટીના સભ્યો ઉપસ્થિત રહ્યા હતા. મહેમાનો દ્વારા બાળકોની કલા અને આત્મવિશ્વાસની પ્રશંસા કરવામાં આવી હતી. વાલીઓએ શાળાની આવ...

સુરેન્દ્રનગર: આજના ડિજિટલ યુગમાં જ્યારે બાળકોનો મોટાભાગનો સમય મોબાઈલ, ટીવી અને ગેમ્સ પાછળ ખર્ચાય રહ્યો છે, ત્યારે સુરેન્દ્રનગરના બાળકોને પ્રકૃતિની નજીક લાવવા અને તેમની સર્જનાત્મકતાને ખીલવવા માટે એક અનોખો પ્રયાસ કરવામાં આવ્યો. સુરેન્દ્રનગરના જાણીતા 'રાજપુતાના આર્ટસ સ્ટુડિયો એન્ડ પેઇન્ટિંગ ક્લાસીસ' દ્વારા વટેશ્વર વન ખાતે ખાસ 'આઉટડોર સ્કેચિંગ વર્કશોપ'નું આયોજન કરવામાં આવ્યું હતું. રાજપુતાના આર્ટસ સ્ટુડિયોના ઓનર ભાવિનીબા અશોકસિંહ ઝાલાના માર્ગદર્શન હેઠળ યોજાયેલા આ કાર્યક્રમનો મુખ્ય હેતુ બાળકોમાં પ્રકૃતિ પ્રત્યે પ્રેમ જાગે અને તેઓ પર્યાવરણને નજીકથી સમજે તે હતો. બંધ ક્લાસરૂમની ચાર દીવાલોની બહાર નીકળીને જ્યારે બાળકોએ વટેશ્વર વનની હરિયાળી વચ્ચે બેસીને પીંછી અને પેન્સિલ હાથમાં લીધી, ત્યારે તેમની કલામાં એક નવો જ નિખાર જોવા મળ્યો હતો. આજના ફાસ્ટ યુગમાં વાલીઓ માટે સૌથી મોટી ચિંતા બાળકોનો વધતો જતો 'સ્ક્રીન ટાઈમ' છે. આ વર્કશોપ દ્વારા બાળકોને ગેજેટ્સથી દૂર કરી કુદરતી વાતાવરણમાં એક નવી પ્રવૃત્તિ પૂરી પાડવામાં આવી હતી. શિયાળાની ગુલાબી ઠંડી અને વહેલી સવારના ખુશનુમા વાતાવરણમાં બાળક...

સુરેન્દ્રનગર : જિલ્લાના લીંબડી પંથકમાં આવેલ હડાળા ભાલ ગામે સેવાનો અનોખો ત્રિવેણી સંગમ યોજાયો હતો. ગામના સાર્વજનિક રાહત મંડળ દ્વારા માધ્યમિક શાળાના પટાંગણમાં આયોજિત આ કાર્યક્રમમાં શિક્ષણ અને રમતગમતને પ્રોત્સાહન આપવા માટે ઉમદા પહેલ કરવામાં આવી હતી. ગામના સર્વાંગી વિકાસ માટે કટિબદ્ધ ટ્રસ્ટી મંડળ દ્વારા આયોજિત આ કાર્યક્રમમાં શાળાની વિદ્યાર્થીની બહેનોને સ્પોર્ટ્સ કીટ અર્પણ કરવામાં આવી હતી, જેથી ગ્રામીણ કક્ષાએ રહેલી ખેલ પ્રતિભાને યોગ્ય વેગ મળી શકે. આ ઉપરાંત, શાળાના વહીવટી કાર્યને સરળ બનાવવા માટે પ્રિન્ટર મશીન અને વિદ્યાર્થીઓના જ્ઞાનવર્ધન માટે લાઇબ્રેરીમાં નવા પુસ્તકો પણ ભેટ આપવામાં આવ્યા હતા. આ પ્રસંગે ટ્રસ્ટના પ્રમુખ રાજુભાઈ પટેલ (જિનવાળા) એ સંસ્થાના ઇતિહાસ અને ઉદ્દેશ્યો વિશે વિસ્તૃત માહિતી આપી હતી. તેમણે જણાવ્યું હતું કે હડાળા ભાલ સાર્વજનિક રાહત ટ્રસ્ટ વર્ષ 1960 થી કાર્યરત છે. ટ્રસ્ટ દ્વારા દર વર્ષે અંદાજે રૂ. 8 થી 10 લાખ જેટલું માતબર ભંડોળ ગામના વિવિધ સેવાકાર્યો માટે ફાળવવામાં આવે છે. ગામમાં શિક્ષણ, આરોગ્ય અને સામાજિક ઉત્થાન માટે ટ્રસ્ટ સતત સક્રિય ભૂમિકા ભજવી રહ્યું છે. આ કાર્યક્રમમાં મંત...

સુરેન્દ્રનગર : વિદ્યાર્થીઓમાં રમત-ગમત પ્રત્યે રુચિ વધે અને તેમનું શારીરિક કૌશલ્ય ખીલે તેવા ઉમદા હેતુ સાથે મૂળી તાલુકાના વીરપર ગામે એક શાનદાર ખેલ પ્રદર્શન યોજાયું હતું. ગત તારીખ ૨૪/૧૨/૨૦૨૫ના રોજ વીરપર સ્થિત શ્રી તેજુબા હેમુબા વાઘેલા વિદ્યાલય ખાતે 'રમતોત્સવ'નું ભવ્ય આયોજન કરવામાં આવ્યું હતું. ભારત સરકારના રમત-ગમત અને યુવા મંત્રાલય અંતર્ગત કાર્યરત 'માય ભારત' સુરેન્દ્રનગર વિભાગ દ્વારા આ કાર્યક્રમનું સંચાલન કરવામાં આવ્યું હતું. સુરેન્દ્રનગર જિલ્લા યુવા અધિકારી મીષાબહેન ખટ્ટરના સીધા માર્ગદર્શન હેઠળ, માય ભારત અને તેજુબા વિદ્યાલયના સંયુક્ત ઉપક્રમે આ સ્પર્ધાઓનું આયોજન હાથ ધરાયું હતું. આ રમતોત્સવ દરમિયાન પરંપરાગત અને શારીરિક શક્તિની કસોટી કરતી વિવિધ રમતો યોજાઈ હતી. જેમાં મુખ્યત્વે કબડ્ડી અને ખો-ખો, ટીમ વર્ગ અને વ્યૂહરચનાનું પ્રદર્શન સાથે લોંગ જમ્પ અને દોડ થકી વ્યક્તિગત ક્ષમતા અને ઝડપની સ્પર્ધા યોજાઇ હતી. આ સ્પર્ધાઓમાં શાળાના ૧૨૦થી વધુ વિદ્યાર્થીઓએ અત્યંત ઉત્સાહપૂર્વક અને ખેલદિલીની ભાવના સાથે ભાગ લીધો હતો. ગ્રામીણ સ્તરે આટલી મોટી સંખ્યામાં બાળકોને પ્લેટફોર્મ મળતા વાતાવરણ ઉત્સાહમય ...

સુરેન્દ્રનગર: ગુજરાતમાં નશાબંધીના કડક અમલના ભાગરૂપે સુરેન્દ્રનગર જિલ્લા પોલીસ દ્વારા એક મોટી કાર્યવાહી હાથ ધરવામાં આવી છે. જિલ્લાના પાટડી અને દસાડા તાલુકાના વિવિધ પોલીસ સ્ટેશનો દ્વારા ગત વર્ષોમાં પકડાયેલા લાખોની કિંમતના વિદેશી દારૂના જથ્થા પર રોલર ફેરવી તેનો જાહેર નાશ કરવામાં આવ્યો હતો. પ્રાપ્ત વિગતો અનુસાર, સુરેન્દ્રનગર પોલીસ વિભાગ હેઠળ આવતા પાટડી, બજાણા, ઝીંઝુવાડા અને દસાડા પોલીસ સ્ટેશનના હદ વિસ્તારમાંથી વર્ષ ૨૦૨૫ દરમિયાન મોટા પ્રમાણમાં ગેરકાયદેસર વિદેશી દારૂ ઝડપાયો હતો. આ ચારેય પોલીસ સ્ટેશનના સંયુક્ત જથ્થાનો નિકાલ કરવા માટે ઉચ્ચ અધિકારીઓ દ્વારા મંજૂરી આપવામાં આવી હતી. આ કામગીરી અંતર્ગત કુલ ૨૪,૧૯૦ નંગ વિદેશી દારૂની બોટલો પર રોલર ફેરવી તેને જમીનદોસ્ત કરવામાં આવી હતી. નાશ કરવામાં આવેલા આ દારૂના જથ્થાની કુલ બજાર કિંમત અંદાજે ₹૧,૧૨,૮૫,૮૪૯ (એક કરોડ બાર લાખ પંચાસી હજાર આઠસો ઓગણપચાસ) જેટલી થવા જાય છે. દારૂના આ જથ્થાના નાશ કરવાની પ્રક્રિયા કાયદાકીય માર્ગદર્શિકા મુજબ અત્યંત ચુસ્ત બંદોબસ્ત વચ્ચે હાથ ધરવામાં આવી હતી. આ તકે એસ.ડી.એમ. (SDM) , નાયબ પોલીસ અધિક્ષક (DYSP) અને સંબંધિત ચારેય પોલીસ સ્ટે...

સુરેન્દ્રનગર : બાંગ્લાદેશમાં છેલ્લા કેટલાક સમયથી લઘુમતી હિન્દુ સમાજ પર થઈ રહેલા જીવલેણ હુમલા, હત્યાઓ અને અત્યાચારના વિરોધમાં વિશ્વ હિન્દુ પરિષદ (VHP) અને બજરંગ દળ દ્વારા દેશવ્યાપી ઉગ્ર વિરોધ પ્રદર્શનનું આયોજન કરવામાં આવ્યું હતું. સંગઠનના કાર્યકર્તાઓએ બાંગ્લાદેશની વર્તમાન સરકાર અને કટ્ટરપંથી માનસિકતા વિરુદ્ધ ભારે સૂત્રોચ્ચાર કરીને પોતાનો રોષ વ્યક્ત કર્યો હતો. સુરેન્દ્રનગરમાં બજરંગ દળ અને વિશ્વ હિન્દુ પરિષદ દ્વારા શહેરના જવાહર ચોકમા બાંગ્લાદેશના ઝંડા સાથે વિરોધ પ્રદર્શન કરવામાં આવ્યો હતો. અને ઝંડો સળગાવી સનાતન ધર્મની રક્ષા માટે સુત્રોચ્ચાર કર્યા હતા. બાંગ્લાદેશમાં સત્તા પરિવર્તન બાદ ત્યાંની સરકાર કટ્ટરપંથી અને જેહાદી માનસિકતા ધરાવતા તત્વોના હાથમાં હોય તેવું જણાઈ રહ્યું છે. ત્યાં નિર્દોષ હિન્દુઓની નિર્મમ હત્યા કરવામાં આવી રહી છે, છતાં ત્યાંની સ્થાનિક સરકાર ગુનેગારો સામે કોઈ નક્કર કાર્યવાહી કરવામાં નિષ્ફળ રહી છે. વધુમાં, આંતરરાષ્ટ્રીય માનવ અધિકાર પંચ જેવી સંસ્થાઓ પણ આ ગંભીર માનવ અધિકાર ઉલ્લંઘન પ્રત્યે આંખ આડા કાન કરી રહી હોવાનો આક્ષેપ સંગઠન દ્વારા કરવામાં આવ્યો હતો. આ ઘટનાના પ્રત્યાઘાતો સુ...

સુરેન્દ્રનગર : ઝાલવાડની ધર્મપ્રિય જનતા અને ધાર્મિક ઉત્સવોના કેન્દ્ર સમા જોરાવરનગર ખાતે આવેલ પવિત્ર નીલકંઠ મહાદેવ મંદિરમાં તાજેતરમાં ભક્તિમય માહોલમાં સમૂહ સત્યનારાયણ દેવની કથાનું સુંદર આયોજન કરવામાં આવ્યું હતું. આ ધાર્મિક અવસર માત્ર પૂજન-અર્ચન પૂરતો સીમિત ન રહેતા, જ્ઞાન અને સેવાના સમન્વય સાથે એક યાદગાર પ્રસંગ બની રહ્યો હતો. આ પ્રસંગે અમદાવાદ સ્થિત જાણીતી સામાજિક સંસ્થા ‘કર્મણ્યે ફાઉન્ડેશન એન્ડ ચેરિટેબલ ટ્રસ્ટ’ દ્વારા એક પ્રશંસનીય સેવાનું કાર્ય હાથ ધરવામાં આવ્યું હતું. સંસ્થા દ્વારા કાર્યક્રમમાં ઉપસ્થિત તમામ યજમાનો તેમજ સ્થાનિક પાઠશાળાના ભૂલકાઓને નિઃશુલ્ક શ્રીમદ્દ ભગવદ્ ગીતાનું વિતરણ કરવામાં આવ્યું હતું. નવી પેઢીમાં સંસ્કારોનું સિંચન થાય અને ગીતાજીનું જ્ઞાન જન-જન સુધી પહોંચે તેવા ઉમદા આશય સાથે આ આયોજન કરવામાં આવ્યું હતું. કાર્યક્રમના પ્રારંભમાં કથાના મુખ્ય વક્તા દિલીપભાઈ દવેનું ટ્રસ્ટ દ્વારા ભાવભર્યું સન્માન કરવામાં આવ્યું હતું. આ સેવાકીય પ્રવૃત્તિમાં ટ્રસ્ટના સભ્યો અને જાણીતા સમાજ સેવકોએ ખભેખભા મિલાવીને સહયોગ આપ્યો હતો. જેમાં દુષ્યંતભાઈ આચાર્ય (જાણીતા સમાજ સેવક), કેતનભાઈ શાહ, નાનભા જાડે...

સુરેન્દ્રનગર : શહેરમાં આજે વહેલી સવારથી Enforcement Directorate (ED) દ્વારા કરવામાં આવેલી આકસ્મિક કાર્યવાહીથી વહીવટી તંત્ર અને રાજકીય વર્તુળોમાં ભારે ચકચાર મચી ગઈ છે. EDની ટીમોએ પોલીસના કડક બંદોબસ્ત સાથે જિલ્લા કલેક્ટરના બંગલા અને વઢવાણના રાવળવાસ વિસ્તારમાં સ્થિત નાયબ મામલતદારના નિવાસસ્થાને દરોડા પાડ્યા છે. પ્રાપ્ત માહિતી અનુસાર, EDની અલગ-અલગ ટીમોએ સવારે જ સર્ચ ઓપરેશન શરૂ કર્યું હતું. આ કાર્યવાહી દરમિયાન 8 થી વધુ વાહનોનો કાફલો અને સ્થાનિક પોલીસનો જથ્થો પણ હાજર રહ્યો હતો. તપાસ દરમિયાન કોઈ અનિચ્છનીય ઘટના ન બને તે માટે કડક સુરક્ષા વ્યવસ્થા ગોઠવવામાં આવી છે. આ દરોડાની કેન્દ્રબિંદુમાં નાયબ મામલતદાર ચંદ્રસિંહ મોરી હોવાનું સામે આવ્યું છે, જે હાલ સુરેન્દ્રનગર કલેક્ટર કચેરીમાં ફરજ બજાવી રહ્યા છે. સૂત્રોના જણાવ્યા અનુસાર, તેમના નિવાસ સ્થાનેથી મહત્વના દસ્તાવેજો અને ડિજિટલ પુરાવાઓ જપ્ત કરવામાં આવ્યા હોવાની શક્યતા છે. તેઓ લાંબા સમયથી EDની રડારમાં હોવાનું માનવામાં આવે છે. હાલમાં ED દ્વારા તપાસ કયા ચોક્કસ કૌભાંડને લઈને કરવામાં આવી રહી છે તે અંગે સત્તાવાર માહિતી આપવામાં આવી નથી. જોકે, ચર્ચાઓ મુજબ જમીન...

સુરેન્દ્રનગર : સુરેન્દ્રનગર જિલ્લામાં નાતાલ (25 ડિસેમ્બર) અને નવા વર્ષ 2026 ની ઉજવણીને ધ્યાનમાં રાખીને જિલ્લા પોલીસ વડા દ્વારા કડક સુરક્ષા વ્યવસ્થા અમલમાં મૂકવામાં આવી છે. આ બાબતે સુરેન્દ્રનગર હેડ ક્વાર્ટર ફરજ બજાવતા ડીવાયએસપી પાર્થ પરમારે જણાવ્યું છે કે, ખાસ કરીને રાત્રિના સમયે શહેર અને ગ્રામ્ય વિસ્તારોમાં પોલીસની ‘નાઈટ રાઉન્ડ’ કામગીરી વધુ સઘન બનાવવામાં આવી છે, જેથી કોઈપણ પ્રકારની ગેરકાયદેસર પ્રવૃત્તિઓને રોકી શકાય. જિલ્લાના વિવિધ સ્થળોએ આવેલી ચેકપોસ્ટ્સને 24x7 કાર્યરત રાખવામાં આવી છે. દરેક ચેકપોસ્ટ પર હાજર પોલીસ કર્મચારીઓને બ્રીથ એનાલાઈઝર્સ આપવામાં આવ્યા છે, જેથી શંકાસ્પદ વ્યક્તિઓનું તાત્કાલિક શ્વાસ પરીક્ષણ કરી શકાય અને જો કોઈ વ્યક્તિએ માદક પદાર્થોનું સેવન કર્યું હોય તો તેની સામે તરત જ પ્રોહિબિશન હેઠળ ગુનો દાખલ કરી શકાય. સુરક્ષા વ્યવસ્થાને વધુ મજબૂત બનાવવા માટે હાઈવે પર આવેલી હોટલ્સ, ગેસ્ટ હાઉસ, પાર્ટી પ્લોટ્સ અને ફાર્મ હાઉસિસની પણ ચકાસણી કરવામાં આવશે. પોલીસ વિભાગ દ્વારા આવા સ્થળોના માલિકો સાથે બેઠક યોજી તેમને સૂચના આપવામાં આવી છે કે તેમના સંચાલિત સ્થળોનો ઉપયોગ ગેરકાયદેસર પ્રવૃત્તિઓ મ...

સુરેન્દ્રનગર : વર્તમાન સમયમાં પોલીસ કામગીરીમાં ટેકનોલોજીનું મહત્વ સતત વધી રહ્યું છે, ત્યારે યુવા પેઢી આધુનિક સુરક્ષા વ્યવસ્થાથી વાકેફ થાય તેવા ઉમદા હેતુ સાથે સુરેન્દ્રનગર પોલીસ દ્વારા એક વિશેષ મુલાકાતનું આયોજન કરવામાં આવ્યું હતું. સુરેન્દ્રનગર પોલીસ અધિક્ષક પ્રેમસુખ ડેલુ તથા નાયબ પોલીસ અધિક્ષક (મુખ્ય મથક) પાર્થ પરમારના સીધા માર્ગદર્શન હેઠળ તાજેતરમાં SGVP રાજકોટ સંસ્થા સંચાલિત સુરેન્દ્રનગર ગુરુકુલના વિદ્યાર્થીઓએ પોલીસ અધિક્ષકની કચેરીની શૈક્ષણિક મુલાકાત લીધી હતી. કમાન્ડ એન્ડ કંટ્રોલ સેન્ટરની કામગીરીનું નિદર્શન આ વિઝિટ દરમિયાન વિદ્યાર્થીઓને ખાસ કરીને 'નેત્રમ' (કમાન્ડ એન્ડ કંટ્રોલ સેન્ટર) ખાતે લઈ જવામાં આવ્યા હતા. જ્યાં પોલીસ સબ ઇન્સ્પેક્ટર ડી.જે. પરમાર અને તેમની ટીમ દ્વારા વિદ્યાર્થીઓને અત્યાધુનિક સર્વેલન્સ સિસ્ટમ વિશે વિગતવાર માહિતી આપવામાં આવી હતી. શહેરમાં કાયદો અને વ્યવસ્થા જાળવવા માટે સીસીટીવી (CCTV) કેમેરા કઈ રીતે ત્રીજી આંખ સાબિત થઈ રહ્યા છે, તેનું જીવંત નિદર્શન કરવામાં આવ્યું હતું. વિદ્યાર્થીઓને સમજાવવામાં આવ્યું હતું કે:  * શહેરના વ્યૂહાત્મક સ્થળોએ ઇન્સ્ટોલ કરેલા કેમેરા દ્...

સુરેન્દ્રનગર : વિદ્યાર્થીઓમાં રહેલી સુષુપ્ત શક્તિઓને વાચા આપવા અને કલા પ્રત્યે રુચિ વધારવા માટે સરકારશ્રી દ્વારા દર વર્ષે ‘કલા ઉત્સવ’નું આયોજન કરવામાં આવે છે. આ અંતર્ગત આજરોજ બી. આર. સી. ભવન ખાતે તાલુકા કક્ષાનો કલા ઉત્સવ ખૂબ જ ઉત્સાહપૂર્વક યોજાયો હતો. આ સ્પર્ધામાં તાલુકાની વિવિધ શાળાઓના પ્રતિભાશાળી વિદ્યાર્થીઓએ પોતાની કલાનું પ્રદર્શન કર્યું હતું. આ કલા ઉત્સવમાં કિરચંદભાઈ કોઠારી મિડલ સ્કૂલની વિદ્યાર્થિનીઓએ ઉત્સાહભેર ભાગ લીધો હતો. શાળાની દીકરીઓએ સંગીત ગાયન અને બાલ કવિ જેવી વિવિધ સ્પર્ધાઓમાં પોતાની મૌલિકતા અને કલા કૌશલ્ય રજૂ કરીને સૌના દિલ જીતી લીધા હતા. સ્પર્ધાના અંતે જાહેર થયેલા પરિણામોમાં ‘બાલ કવિ’ વિભાગમાં શાળાની તેજસ્વી વિદ્યાર્થિની ખાંભલા રૂચા વાઘાભાઈએ પોતાની સુંદર કાવ્ય પ્રસ્તુતિ દ્વારા સમગ્ર તાલુકામાં દ્વિતીય સ્થાન પ્રાપ્ત કરીને શાળાનું નામ રોશન કર્યું છે. રૂચાની આ સિદ્ધિ તેની મહેનત અને સાહિત્ય પ્રત્યેના લગાવનું પરિણામ છે. રૂચાની આ પ્રશંસનીય સફળતા બદલ શાળાના આચાર્યા ઉર્મિલાબેન અમદાવાદીયાએ તેને પુષ્પગુચ્છ આપી પ્રોત્સાહિત કરી હતી. આચાર્યાએ જણાવ્યું હતું કે, અભ્યાસની સાથે સાથે આવી ઇત...

સુરેન્દ્રનગર : ઝાલવાડ પંથકમાં સિંચાઈ અને પીવાના પાણીની સમસ્યાના કાયમી ઉકેલ માટે સરકારની મહત્વાકાંક્ષી 'સૌની યોજના' (SAUNI Yojana) આશીર્વાદરૂપ સાબિત થઈ રહી છે. ત્યારે સુરેન્દ્રનગર જિલ્લાના મૂળી તાલુકાના લીમલી ગામે સૌની યોજના અંતર્ગત નવી પાઇપલાઇન નાખવાના કાર્યનું વિધિવત ખાતમુહૂર્ત કરી શ્રીગણેશ કરવામાં આવ્યા હતા. લાંબા સમયથી ખેડૂતો અને ગ્રામજનો આ વિસ્તારમાં પાણીની સુવિધા સુદ્રઢ બને તેવી અપેક્ષા રાખતા હતા. ત્યારે આ પાઇપલાઇનનું મૂહુર્ત થતા જ લીમલી અને આસપાસના ગ્રામ્ય વિસ્તારોમાં હર્ષની લાગણી ફેલાઈ ગઈ છે. આ પ્રોજેક્ટ પૂર્ણ થવાથી ખેતીવાડી માટે પૂરતું પાણી મળી રહેશે, જેનાથી સ્થાનિક ખેડૂતોની આર્થિક સ્થિતિમાં સુધારો આવાનો આશાવાદ વ્યક્ત કરવામાં આવ્યો છે.  આ કાર્યક્રમમાં પ્રદેશ અને જિલ્લાના અગ્રણી નેતાઓ તેમજ સ્થાનિક પદાધિકારીઓ ઉપસ્થિત રહ્યા હતા. જેમાં મુખ્યત્વે રાજેન્દ્રસિંહ પરમાર જિલ્લા પંચાયત સદસ્ય, લધીરસિંહ પરમાર સરપંચ, લીમલી ગામ, સત્યજીતસિંહ પરમાર યુવા ભાજપ પ્રમુખ, અભિજીતસિંહ પરમાર ડાયરેક્ટર APMC મૂળી, કૌશલેન્દ્રસિંહ ભાણુભા ઇન્દ્રદ્રષ્ટિ એન્ટરપ્રાઇઝ ઉપસ્થિત રહ્યા હતા. આ પ્રસંગે ઉપસ્થિત...

સુરેન્દ્રનગર : ઝાલાવાડની પવિત્ર ધરા અને સંતોની ભૂમિ ગણાતા સાયલા પંથકમાં આવેલા ઐતિહાસિક લોયાધામ ખાતે આજથી ભક્તિ, શક્તિ અને સંસ્કૃતિના ત્રિવેણી સંગમ સમાન ‘શ્રી સદ્દગુરૂ શતાબ્દી મહોત્સવ’ અને ‘મુક્તમુનિ મહોત્સવ’નો ભવ્યાતિભવ્ય પ્રારંભ થયો છે. ભગવાન સ્વામીનારાયણની અનેક લીલાઓનું સાક્ષી બનેલું લોયાધામ આગામી ૧૧ દિવસ સુધી દેશ-વિદેશના હરિભક્તો માટે આસ્થાનું કેન્દ્ર બનશે. ભવ્ય શોભાયાત્રા: ‘સદગુરૂ તો ડુબતાને તારે’ મહોત્સવના પ્રથમ દિવસે સંધ્યાટાણે નાગડકાના પ્રસાદીભૂત બોરડી સરોવરથી કથા સ્થળ સુધી ૫ કિલોમીટર લાંબી ભવ્ય શોભાયાત્રા યોજાઈ હતી. ‘સદગુરૂ તો ડુબતાને તારે, સાથે રહી ભવસાગર પાર ઉતારે’ થીમ પર આધારિત આ યાત્રામાં ૩૧ ફૂટ લાંબી સુવર્ણ નૌકાઓના ૯ આકર્ષક ટેબ્લો આકર્ષણનું કેન્દ્ર બન્યા હતા. જેમાં મુક્તાનંદ સ્વામીની પરંપરાના સદગુરૂઓ અને ભગવાન સ્વામીનારાયણ બિરાજમાન થયા હતા. આ શોભાયાત્રામાં હજારોની સંખ્યામાં હરિભક્તો ઉમટી પડતા સાયલા પંથક જય સ્વામીનારાયણના નાદથી ગુંજી ઉઠ્યું હતું. ૫૦ વીઘામાં પથરાયેલું સાંસ્કૃતિક પ્રદર્શન મહોત્સવનું મુખ્ય આકર્ષણ ૫૦ વીઘા જમીનમાં ફેલાયેલું ભવ્ય સાંસ્કૃતિક પ્રદર્શન છે. આ પ્રદર્શ...

સુરેન્દ્રનગર : ઝાલાવાડ ક્ષત્રિય સમાજ અને શ્રી રાજપૂત કરણી સેના દ્વારા આયોજિત ૧૪મી પરંપરાગત ડે-ટેનિસ ક્રિકેટ ટુર્નામેન્ટ ૧૪ ડિસેમ્બરથી ૨૧ ડિસેમ્બર ૨૦૨૫ સુધી ભવ્ય રીતે યોજાઈ હતી. આ ટુર્નામેન્ટ માત્ર રમતગમતની સ્પર્ધા નહીં રહી, પરંતુ સમાજમાં એકતા, સહકાર અને યુવાનોમાં ઉત્સાહ જગાવતું એક મહત્વપૂર્ણ આયોજન બની રહ્યું. આ વર્ષે ટુર્નામેન્ટમાં સૌરાષ્ટ્રના વિવિધ જિલ્લાઓ – ભાવનગર, કચ્છ, જામનગર, રાજકોટ સહિત કુલ ૩૨ ટીમોએ ભાગ લીધો હતો. ટુર્નામેન્ટનું આયોજન સુરેન્દ્રનગરના કૃષ્ણનગર વિસ્તારમાં, આઈ.ઓ.સી. કોલોની પાછળ, સરદાર રોડ પર કરવામાં આવ્યું હતું. સમગ્ર ટુર્નામેન્ટ દરમિયાન ક્રિકેટ રસિકો અને ખેલાડીઓમાં ઉત્સાહ અને રોમાંચનો માહોલ છવાયેલો રહ્યો. ટુર્નામેન્ટના અંતિમ દિવસે બે સેમિફાઈનલ મેચો રમાઈ હતી. પ્રથમ સેમિફાઈનલમાં જય ઝાલાવાડ ઇલેવન સામે શિવશક્તિ ઇલેવન દુધરેજ અને બીજી સેમિફાઈનલમાં ઇન્દ્ર ધ ટાઈગર કચ્છ ઇલેવન સામે રાણા સ્પોર્ટ્સ રાજકોટ વચ્ચે મુકાબલો થયો. બંને મેચોમાં શિવશક્તિ ઇલેવન દુધરેજ અને ઇન્દ્ર ધ ટાઈગર કચ્છ ઇલેવન વિજેતા બનીને ફાઈનલમાં પ્રવેશ્યા. ફાઈનલ મુકાબલો શિવશક્તિ ઇલેવન દુધરેજ અને ઇન્દ્ર ધ ટાઈગર કચ્છ...

સુરેન્દ્રનગર‌ : સમાજ હિત અને સેવાના ક્ષેત્રમાં વિશિષ્ટ પ્રદાન કરનાર વ્યક્તિઓનું સન્માન કરવું એ ઉચ્ચ સંસ્કારની નિશાની છે. આ જ ઉમદા હેતુ સાથે, વડોદરાના આજવા રોડ સ્થિત કૈલાસ પાર્ટી પ્લોટ ખાતે ગુજરાત સિને મીડિયા એવોર્ડ (GCMA) ના ૧૮માં સંસ્કરણનું ભવ્ય આયોજન કરવામાં આવ્યું હતું. ફાઉન્ડર ચેરમેન શ્રી અમિતભાઈ પટેલના માર્ગદર્શન હેઠળ આ કાર્યક્રમ સફળતાપૂર્વક સંપન્ન થયો હતો. કાર્યક્રમની શરૂઆત પરમ પૂજ્ય માનસરોવર બાપુ ના વરદ હસ્તે દીપ પ્રાગટ્ય દ્વારા કરવામાં આવી હતી. આ પ્રસંગે કલા, સાહિત્ય અને સેવા જગતના અનેક અગ્રણીઓ ઉપસ્થિત રહ્યા હતા. કાર્યક્રમનો મુખ્ય ઉદ્દેશ્ય સમાજમાં પડદા પાછળ રહીને કાર્ય કરતા સેવાભાવી રથિઓને બિરદાવવાનો હતો. આ એવોર્ડ સમારોહમાં ગાયક કલાકારો, મોડેલ્સ, ન્યૂઝ ચેનલ્સ, સોશિયલ મીડિયા ઈન્ફ્લુએન્ઝર્સ અને દિવ્યાંગ પ્રતિભાઓ સહિત વિવિધ ક્ષેત્રોના મહાનુભાવોને પુરસ્કાર આપી ગૌરવાન્વિત કરવામાં આવ્યા હતા. જેમાં મુખ્યત્વે વડોદરાના જાણીતા હાસ્ય કલાકાર અને આયુર્વેદિક ડૉ. શ્રી હાથી સાહેબ નું વિશેષ સન્માન કરાયું. અપેક્ષા ફાઉન્ડેશનના સેવાભાવી શ્રી અલ્પેશભાઈ કારેણા નું પણ સન્માન કરવામાં આવ્યું. આ કાર્યક્...

 સુરેન્દ્રનગર : વઢવાણના ઐતિહાસિક હવા મહેલ ખાતે ચાલી રહેલા ત્રિદિવસીય 'ઝાલાવાડ ફૂડ ફેસ્ટિવલ'નો બીજો દિવસ પણ ખૂબ જ ઉત્સાહભેર ઉજવાયો. સુરેન્દ્રનગર મહાનગરપાલિકા દ્વારા આયોજિત આ વિશિષ્ટ ફૂડ ફેસ્ટિવલમાં આજે 32,000થી વધુ લોકોએ હાજરી આપી હતી અને ઝાલાવાડની લોકપ્રિય વાનગીઓ સાથે ભાતીગળ સંસ્કૃતિનો અનોખો અનુભવ કર્યો. આ ફૂડ ફેસ્ટિવલનું ઉદ્ઘાટન શહેરી વિકાસ અને શહેરી ગૃહ નિર્માણ વિભાગની પ્રભારી મંત્રી દર્શનાબેન વાઘેલા તથા નાયબ મુખ્ય દંડક શ્રી જગદીશભાઈ મકવાણાના હસ્તે કરવામાં આવ્યું હતું. ફેસ્ટિવલ ૨૧ ડિસેમ્બર, ૨૦૨૫ સુધી દરરોજ સાંજે ૪:૦૦ કલાકથી રાત્રે ૧૦:૦૦ કલાક સુધી ખુલ્લો રહેશે. હવા મહેલના આંગણે યોજાતા આ ફૂડ ફેસ્ટિવલમાં ઝાલાવાડની પરંપરાગત અને લોકપ્રિય વાનગીઓના વિવિધ સ્ટોલ્સ મૂકવામાં આવ્યા છે. અહીં મુલાકાતીઓએ ખમણ, હાંડવો, લિલવા કચોરી, દાલ-ઢોકળી, ભાખરી-શાક જેવી વાનગીઓનો સ્વાદ માણ્યો. સાથે સાથે લોકસંગીતના કાર્યક્રમો અને સાંસ્કૃતિક રજૂઆતો પણ આકર્ષણનું કેન્દ્ર રહી. આજના દિવસે ફૂડ ફેસ્ટિવલમાં 22 થી વધુ સ્ટોલ ધારકોએ અંદાજિત રૂ. 5,00,000થી વધુનો વેપાર કર્યો હતો. આ સફળતાને લઈને મ્યુનિસિપલ કમિશનર ડો. નવન...